和同事在中心食飯，好享受，湯好餸好，又有得吹水。

同 事話細仔喜歡了女同學，啼笑皆非，甚有趣，我勸她唔好阻止，要開通啲！讓他們有感情發展，又有甚麼問題呢？呀，佢個仔好似讀…小學一年級。我話我贊成 小學生談戀愛！咁，小學時拍咗拖，中學時就唔會拍啦。她即時笑到出不了聲，不過都好過哭不出聲。那對小寶貝我有啲掛住佢地，因為我地都幾老友。

同事問我地估下個細仔鍾意個女同學乜嘢？無人答得到，我話我知：佢鍾意個女同學梳孖辮。她奇怪的問，問我點解會估到。哈哈～～

一個小朋友唔通鍾意個女同學好成績咩？好身手咩？大隻咩，多數都係鍾意溫溫柔柔唔惡死啦！…所以，我諗除咗撞中之外，我同佢個細仔都認為梳孖辮係斯文整齊唔刁蠻的形像代表啩！哈哈～～

好感嘛？好難解釋喎？試試不要太自我去想，代入對方去想（唔好以為細就簡單），思想世界自然會好闊好大，世事就自然解釋得到啦。