『最近有無睇邊套戲呀？』…『有邊部正戲介紹呢？』

有陣時，古老師都會以睇戲來和同事、親戚朋友打開話題，輕鬆氣氛由此帶了出來，此起被落，看來睇戲是大家受落的東西，又或是大家共同尋找的集體回憶。

從孩提時代，看著黑白電視裏的粵言長(殘)片，到青少年的我獨個人到戲院看西片，我還記戲院是已拆卸了很久的麗宮戲院，看的戲是鐵金鋼勇破間諜網，又到上個世紀到金獅影視店租看錄影帶，而今天看now-tv的HBO，或者衛視電影台、偶爾也會租DVD碟，間唔中到戲院看看大片，其實我都很喜歡睇戲。

呀，唔單只睇戲，我幾喜歡看影評，因為可以知道多些電影知識，和其他人點睇呢部電影，仲有，連收音機的講電影的節目都鍾愛，商業一台星期六晚的「一台好戲」，尤其喜歡，還有，連專播電影片頭的網站或電視，或是電影製作特輯都唔放過。

早幾年，曾看某報章的文章介紹一本名為『臨死前必看的百部電影』的書，唔肯定係咪英文書名或轉譯做中文書名，總之怪怪的，好明顯玩綽頭，即是介紹百部必睇的好片咁解。細閱該百套片的名單，有一部份是古老師看過的，感覺有二，一是自豪，因為都睇過唔少出名電影，二是幾大唔睇晒呢百部，睇晒係咪即是可以死得呀？

喜歡談談影片，找找大家的集體回憶，話晒自己都是一個電影愛好者。

後記：寫在多年前，也曾想過耐不耐寫寫影評。