唔係乜嘢商業計劃，但係，同地球或者甚至整個宇宙…都有好大影響嘅一個計劃，原來就係美國以核技術製造原子彈的驚世計劃。

甚麼是核分裂，核聚變，鈾元素，鈈元素…或者我地都唔知係乜東東，但係愛因斯坦我地識，佢嗰條方程式我地見過…點都好，日本廣島，長崎食咗兩粒原子彈…無條件投降，從此，美國藉此成為超級大國，甚至全球稱覇也不為過。

地球踏上了核子年代，也種下了末日種子，無時無刻核戰，或核災難…都係因為呢個計劃，跟住所有嘢，尤其是科技，飛快發展，可以講呢60至70年快得像濃縮世紀，乜嘢你諗到未諗到…都出現。

話說二次大戰前夕，英美都收到風，德國會發展核武器，好多原因令到德國在戰爭末期都唔成功，原本當時美國羅斯福總統最初唔贊成開發核武器，但俾愛因斯坦等科學家，再加上當時軍官幕僚極力說服下，終於責成有關人等…進行計劃，時為1942年…至1946年。

主要是在新墨西哥州，其餘分散在田納西州，俄亥俄州、華盛頓…等地進行，製造工廠實驗室，用咗20億美圓，動員13萬人，保密功夫非常了得，最後做咗四粒。

1945年4月12日羅斯福總統中風死，睇唔到原子彈威力，7月16日終於試爆了第一粒…命名為「小孩」的其中一粒原子彈在8月6日給廣島食了，當時在廣島一間醫院上空5百幾米上空爆了，火熱（30萬度）再加輻射、大爆炸震波，好多宗教描述的地獄慘況就喺廣島出現，即時死7-8萬人，跟住嗰年共50萬因此喪命…三日後，再整一粒俾長崎，日本終於投降，戰爭終於結束！餘下一粒無用到！

明白受過日本侵華的同胞當中的家仇國恨，咁？好似要多謝曼克頓計劃？好似要多謝美國？好似要多謝原子彈？

唔識答，哲理問題。