細路時，一套配音劇集叫時光隊道，而家睇應該非常粗劣，但係嗰時睇應該非常正，哈哈，如果引起你嘅回億，大家年紀相若啊！回憶的畫面是黑白的（一定啦，嗰時係黑白電視）。

愛因斯坦發表了相對論，跟住曼哈頓計劃，終於整咗原子彈，投放兩個驚世（甚至震撼宇宙）的原子彈在日本的廣島同長崎，想盡早結束二戰，成功了，但潘多拉盒子的精靈終於放了出來，末日計時器開始啟動。

其實在同期，愛因斯坦領導了另一計劃，叫「費城計劃」，話就話想利用強大電力製造一個電磁場，讓一艘戰艦由一處轉移到另一處，即係瞬間轉移，1943年做咗呢個實驗，開始時產生了綠色的霧，然後真的消失了一會兒，在另一處，該戰艦神秘出現，跟住又消失⋯最後戰艦又重現原處。（如果覺得呢個故事好正，自己上網用谷歌找或youtube睇啦，引人入勝㗎，呀，美國政府唔認㗎！）有人話，其實愛因斯坦唔係想實驗瞬間轉移，而係想時空轉移，即係做時光機器，製造了蟲洞，屈曲了時空⋯故事又係非常正斗⋯但係嗰艘戰艦上嗰33位官兵水兵有好多side effect，有啲失常，忽然消失重現，部份船員的身體嘅其中部份嵌入了船身⋯（哈哈，唔知係真係假！）

講咗咁多，如果真的可以時光旅行，你會想去邊呢？那些年？最初相識嘅時候？搵啲歷史時刻，想改變歷史？蝴蝶效應，亂改會搞到宇宙法則亂晒，甚至會令到呢個宇宙滅亡⋯如果係咁，我地點評價愛因斯坦呢？係咪諗起回到未來一、二、三集呢？

晨早流流，講啲咁嘅嘢，唉！其實由上世紀到今天的科技發展咁極速向前，係咪失了控（邊個控製吖？）⋯是喜是悲？越係咁諗，應該要有謙卑嘅心⋯由其是掌握住技術，操控住呢啲背後嘅人！