1947年…

7月4日

那天晚上有大雷雨，有個農場主人聽到比雷聲更大的爆炸聲，應該是飛碟的真正炒車日子，一般都咁認為。

7月5日

第日即係7月5日，佢發現許多金屬碎片，距離羅茲威爾西北方120公里，所以講係咪羅茲威爾定新墨西哥州事件，都是討論不休的地方。

7月6日

佢帶著碎片去俾羅茲威爾警方，當地警長，然後再向軍方報告。

7月7日

軍方的Jesse. Marcel少校去現場，攞走咗好多嘢返基地，所以佢係重要關鍵人物。

7月8日

一位土木工程師（名字叫Grady L.）話搵到一隻飛碟殘骸，直徑約九米，已經損毁裂開，仲有好幾具屍體（應該講一啲唔係人類物種），在飛行物內外都有。比人類細小，頭大，無毛髮，細咀巴，著住灰色緊身衣，與此同時，軍方即刻封鎖現場。

美國軍方的公關部官員向傳媒發放新聞稿。

7月9日

羅茲威爾Daily News頭條話空軍發現飛碟，墜落在羅斯威爾附近的布萊索農場，已經被軍方尋獲。點知，9個小時後，Roger Ramey將軍接手負責這個事件，搞咗個記招，要Marcel少校澄清只是氣球，還展示一些碎片，總之不是飛碟。大家都嘩然。

跟住嗰幾十年，充滿陰謀，隱瞞，真假穿插…直到1997年，美國政府話當年見到的外星人是用作飛行彈跳測試用的假人。