在一個場合和其他人分享「哭」，我話我上一次哭是在聖誕前，老爸入院，病到迷糊，探病的各人已走，只得我和他，佢一直話醫生俾佢走，即晚就走，我一直擔心佢會失控。果然，當我同佢道別，話眀天再來探他，他要起身走，但…無可能，我叫佢乖，冷靜，唔好整到自己，佢破口大罵，十分激動…我按下他，但唔敢太大力，一輪角力，閙到唔知閙乜，終於靜下。唔敢久留，轉身走，回頭望到佢嘅怒目，走到病房門口，唔放心再去偷望佢，好似靜咗下來，急急腳走了。
上了小巴，突然兩行淚水湧出，直落臉脥上，急急用手拭乾。我想唔係俾佢鬧而屈，而係覺得自己好無用，做唔到啲乜，急急離開，又唔知這晚佢會點…
細細個就聴大人講：「男人大丈夫，流血不流淚，喊只係弱者所為！」除了被植入這觀念，自己也不愛哭，唔算係多愁善感，但，人係感情動物，也有情緒，無理由一個人只係識得笑唔識哭，際遇也不能永遠順境，人也總會有脆弱…也會有觸景傷情。當然也不能讓傷感永遠佔據，但「哭」也證明自己都係人一個，平常不過！