一向不重視形像，矛盾的是都會怕人笑。同事話來我家看看，係好正常社交，我通常會面有難色，為甚麼？一。平時喜說笑好權威的古老師，在古太面前是一隻順良溫婉的小白兔。二。或許會見到古老師做家務，著住圍裙咁…哈哈～～有少許難為情。

在 香港，一個小家庭，兩個在職的夫婦加一位在學的小朋友，家頭世務非輕！如果唔將家務分擔（分享），可以做到唔停手，多年前，飯後洗碗，假期清潔，洗衫燙 衫…等…和古太齊齊做，其實古太辛苦啲，因為佢有陣時要做飯。其實，我曾經提出讓我來做飯，但古太和女兒好齊心的話：唔好搞，唔想冒險。

有陣時我做家務的時候會咁樣諗：

• 我洗啲碗好乾淨，有滿足感！
• 我喜歡搞清潔，尤其是清潔後的清新感受！我會同自己講，清潔？咁先至係…
• 我鍾意勞動時睇住古太在梳化嘆世界！用眼神話俾佢知：我叻過妳。
• 做家務可以強身健體，有報導話可以消去好多脂肪！多做有益。
• 又有報導話做家務可以產生開心感覺，好似食朱古力咁！多做就開心晒！
• 數之不盡。。。亞Q精神。。。哈哈～～

今天睇處境喜劇，其中一句對白，深得我心，佢話：唔好睇少家務，家務的背後係包含一份…愛！！！